بصراحة انا جاى اهرج ما اهو اشمعنى انا اللى مش ههرج ما المجلس العسكرى بيهرج و مجلس الوزرا بيهرج و المجلس الأعلى للقضاء بيهرج و المجلس الاعلى للشرطة بيهرج و المجلس
الأعلى للصحافة بيهرج و مجلس الشعب بيهرج و مجلس الشورى بيهرج و مجلس شورى الجماعة بيهرج و مجلس الامن بيهرج و مجالس ادارات الاندية بتهرج و مش بس على مستوى المجالس لا و على مستوى الافراد كمان ناس كتيير بتهرج بداية من حسنى مبارك إلى محمد مرسى مرورا بجميع مرشحى الرئاسة السابقين و الحاليين
عودة للتهريحة بتاعتى و بعد ما بينت حقى الكامل فى انى ابدى تهريجا و براحتى احب اقول لو عندك روكا يبقى عندك لامؤاخذه حمام لو معندكش روكا ها ها
يبقى معندكش دم لانك متستهلش اساسا يا دزمة ماهو امثالك اللى جايبينا ورا يا يا يا ......تيت اوى
النظام هيرجع تانى و تحدى اووه تحدى اووه تحدى
القرار لازم تاخد قرار ياد بالحب هتنتخبنى بالعافية هتنتخبنى ما انت لازم تنتخبنى امال هسدد الفلوس اللى عليا ازاى.
حتى هايدى و خديجة غيروا لكريستال
انا نفسى اعيش "و احنا كمان نفسنا نعيش"
عشان اى حاجة عايزها فى الدنيا انتخبنى محمد مرسى قوتنا فى نفختنا
انتهى الفاصل
عدنا اهلا بكم
بما اننا فى مرحلة انتفاخية فلابد من استعمال الفوار لاننا كلنا بدأنا نخرج روائح عفنة لما كل هذا التراشق بالالفاظ بين مرشحى الرئاسة هى دى اخرة البونبونى هى دى اخلاق الجماعة فين الجنتلة و الاخوة بلاش كل ده طب مفيش احترام للراجل الكبرة اللى قاعد يتفرج ده " ربنا يفك سجنه و يقومه بالسلامة و يرجع لنا عشان يعدل المايلة اللى عوجتوها"
ايوه و معانا اتصال مين سيادة الشفيق اهلا يا افندم اتفضل يا افندم.
بقول للاخوان كفاية بقى هوه ده اتفقنا مع بعض مش قلنا انتوا المجلس و انا الرئاسة عايزين ايه تانى الوزارة ماشى هاديكوا الوزارة بس لموا نفسكوا بقى و متزودوهاش لحسن و تينى عشان انا معنديش غير التين اقلب عليكوا لما امسك و ابعتكوا سجن المزرعة تلعبوا هناك المزرعة السعيدة اوى و فرج لسه هناك مرحش بعيد
تيت تيت تيت
الاتصال اتقطع
معلش متتصلوش بيه تانى
و عشان مطولش عليكم و من الأخر الله يرحمه سعد باشا زغلول قال مفيش فايدة و بعد قرن إلا سبع سنين بنقول له
معاك حق مفيش فايدة فى ديل الكلب اللى عمره ما هينعدل
وسلام يا بلد الكلام
Published with Blogger-droid v2.0.4
No comments:
Post a Comment